الشقه الجديده

وساعتها رمى سيجارته في الشارع وسابني ودخل شقته من غير مقدمات او استئذان..

فرجعت جوا شقتي وقفلت باب البلكونه وطبعا ماجاليش نوم طول الليل من التفكير في اللي شفته ومن برود جاري،، وكنت كل شويه اطلع ابص على نور النار الاقيه موجود لكن لا بيزيد ولا بيقل لغاية ما اختفي في الفجر..

فالصبح اول حاجه عملتها نزلت استفسرت من بواب العماره عن حكاية الصريخ عشان اتفاجيء انه بيقولي ان صوت الصريخ والنور او النار اللي بيطلع من حمام الشقه اللي فيها الصريخ والشباك اللي بيتفتح قبل كل دا ما يبدأ،، مش اول مره يحصل بنفس الطريقه وان دا بيتكرر في ليلة اكتمال القمر من كل شهر،، من وقت ما اتسكنت العماير دي من سنة تقريبا..

وقرب راسه من ودني واحنا واقفين في مدخل العماره وقال - بيقولوا ان قوة القمر في الليلة دي بتحرر طاقات محبوسه كتير..

وكمل كلامه بعدها عن إن في كل مره كان بيحصل اللي بيحصل دا في شقه مختلفة من الشقق اللي مش م@سكونه

وإن الشقه اللي بيحصل فيها الحاجه دي مره،، ما بيتكررش تاني فيها وانه مابيحصلش في الشقق اللي فيها سكان

وماحدش طبعا كان عارف اي اسباب للي بيحصل وكل سكان المنطقة كانوا عايشين على أمل ان الامر دا يختفي بعد ما يزور كل الشقق الفاضيه عشان يخلصوا من صوت الصريخ المفزع دا للابد..

فسيبت البواب وطلعت طمنت مراتي بكلامه مع اني كنت متوغوش من الموضوع لكن اللي مطمني ان الناس مواصله حياتها عادي واني عمري ما هلاقي شقه لقطه زي دي من ناحية مقدمتها واقساطها..

ومرت الايام بعدها لغاية ما اتعودت انا كمان على صوت الصريخ اللي كان بيحصل في ليلة اكتمال القمر من كل شهر في شقه من الشقق الفاضيه..

لغاية ما تقريبا كان صوت الصريخ لف معظم الشقق اللي مش مسكونه..

ماحدش كان عارف هو لفها كلها ولا لا،، لان ماكانش حد بيحسبله ولا حد عارف هو بدأ امتى لكن من يوم ما اتسكنت العماير والصوت بيتكرر ومابيفوتش شهر

لكن في الشهر التالي لاخر زياره وفي نفس الميعاد بتاع كل شهر الساعه واحده وخمسه سمعت صوت الصريخ،،

لكن المره دي كان ممزوج بصريخ اسره

يعني اب وام واطفال بيصرخوا مع صوت الصرخة

وتقريبا كان في العماره اللي احنا فيها فطلعت جري من باب شقتي فكان الصوت جاي من فوق من الرابع او الخامس فطلعت لغاية ما وصلت عند باب الشقه لقيت جاري بتاع السيجاره سبقني على فوق وبيخبط على الباب ففضلت اخبط معاه وماكانش حد بيفتح..

فكسرنا الباب ودخلنا لقينا انوار الشقه كلها مطفيه والحمام منور بالنار ولقينا الاب والام وولادهم مرميين على الارض حاضنين بعض وعيونهم مبرقه وفي حالة صد@مة وهلع غير طبيعية..

فدخلنا بصينا على الحمام لقينا فيه نار والعه لامسه السقف

كان خط لهب عرضه حوالي عشرة سنتي ممتد من الارض للسقف فحاولنا نجيب مياه من المطبخ ونطفيها..

بس لا كانت بتنطفي ولا كانت بتزيد..

وبعد ما اتلم كام جار اخدنا الراجل ومراته وولاده نزلنا بيهم شقتي..وبعد ما أثر الصدم#مه خف شويه عنه،، وولاده الجيران نيموهم في اوضة بسنت،، اخدته على جنب وسألته - إيه اللي حصل ؟؟