زواج باط.ل كاتبة إيمان شلبي
منكرش ابدا اني خوفت منه ومن طريقه كلامه وكنت بتمني الارض تنشق وتبلعني في اللحظه ديه
انا اللي عملت كده في نفسي أنا استاهل
قولتها بدموع وخفوت وانا بحاول أحرر ايدي منه لكن مقدرتش كان اقوي مني بمراحل
عيطت وأنا بترجاه: - سيبني ارجوك يامؤيد سيبني امشي
مردش انما فضل يسحبني وراه وانا بصرخ بكل صوتي بس للاسف مفيش حد فتح بابا بيته وفكر ينقذني
وصلنا قدام الباب لقيته بيخبط علي الباب بكل قوته لدرجه حسيته هيتكسر
ثواني والباب اتفتح وطلت علينا بنت كان شكلها ولبسها غريب كان أشبه بلبس فتيات الليل !
- عاااااا
صرخت مره واحده بوجع لما سحبني بقوه وزقني بعنف لدرجه وقعت علي الارض
- ايه ده مين القموره دي وجه جديد ياباشا ولا ايه ؟
رفعت راسي بصدم#مه لما سمعت صوت واحده بتتكلم بسخريه لقيت البيت مليان بنات بنفس شكل البنت الاولي
قلبي دق بسرعه وانا بقوم زي الملدوغه وببص حوليا بتوتر وخوف
- ا انا فين ا انا - هه بتقولك انا فين وانتي مش عارفه يابطه !
قالتها نفس الست مره تانيه وهي بتضحك ضحكه خلي.عه مقر.فه زيها وبتبصلي بسخريه !
بصيت لمؤيد اللي كان حاطط أيده في جيبه ببرود وهو بيبص لواحده من البنات وبيقولها بنبره صوت لاول مره اسمعها منه !
كانت نبره مرعبه كلها شر وغرور وكره
- خديها تجهز عشان الشغل
قربت مني البنت وكانت لسه هتشدني بعدت عنها وانا بصرخ بجنون : - تاخدني فييين تاخدني فين انا عايزه امشي خرجني من هنا هف.ضحك هفرجك عليك الناس هسجنك
بصلي بثبات ومره واحده ضحك بصوت عالي ،كانت ضحكته مريبه خلت قلبي يتنفض برعب
- تسجنيني ؟؟ ههههههه لا حلوه وعجبتني بجد و....
سكت مره واحده وانا والبنات كلها صرخنا لما الباب اتفتح مره واحده ودخل شخص انا مكنتش متوقعه وجوده ابدا
برقت مره واحده وانا بحط ايدي علي بوقي وبقول بخفوت : - ب بدر
بصلي بصه رعبتني وهو بيقول بهدوء مريب : - اخرجي استنيني برا
هزيت راسي وانا بجري علي برا ولسه هخرج شدني مؤيد مره واحده وهو بيحط سكينه علي رقبتي و......
يُتبع
الجزء الرابع 🖤 بقلمي ايمان شلبي 🖤
مؤيد وهو بيضحك بسخريه: - بدر باشا المكان نور كنت مستنيك من بدري
بدر بهدوء وهو بيجز علي أسنانه : - سيب ريمان وكلامك معايا انا
هز رأسه برفض : - ريمان مش هتخرج من هنا يابدر ريمان هتبقي مراتي
بدر وهو بيبصله بكره: - خسيس حقير عايز تتجوزها عشان تشغلها معاك في شغلك الشمال
مؤيد ببرود : -والله هي موافقه مش كده ياريمو
قالها بهمس في ودني ونبره تحذيريه خلت قلبي يتنفض ودموعي تنزل علي خدي بصمت وانا بتنفس بسرعه ورعب وببص لبدر اللي كان بيبصلي بملامح خاليه من اي تعبير
وفجأه وبدون اي مقدمات خرج مسدس من جيبه وض.رب نار علي ايد مؤيد اللي صرخ بوجع وهو بيرمي السكينه اللي في أيده وبيسيبني
أما عني صرخت بفزع وانا بغمض عيني بسرعه متوقعه الرصاصه تدخل قلبي
فات ثانيه وأتنين وتلاته وانا لسه مغمضه عيني مش حاسه باي حاجه ولا سامعه اي صوت غير صوت مؤيد اللي بيصرخ من ألم. أيده
فتحت عيني لما حسيت ببدر بيقرب مني وبدون اي مقدمات سحبني من ايدي وجرني وراه وهو بيخرج من البيت
كان بيجرني وراه وهو بيجري علي السلم بسرعه لدرجه كنت هقع علي وشي اكتر من مره لحد ما وصلنا تحت قدام عربيته
فتح العربيه وهو بيزقني بعنف لدرجه راسي اتخبطت ولف ركب العربيه وساقها بأقصي سرعه
بصيتله وانا بصرخ بعصبيه: - وقف العربيه انا مش هتجوز سامع انا مش عايزاك مش عايزه اتجوزك
مردش عليا كان باصص قدامه بجمود وسايق من غير ما يديني اي اهتمام
صرخت بأعلى صوتي وانا بضرب علي ايده بع.نف عشان يوقف العربيه
- وقففف وقف العربيه انا مش عايزه اتجوزك مش طيقاااك مش عايزه اتجوزك حرام عليييك حرام عليك سيبني في حالي
