زواج باط.ل كاتبة إيمان شلبي

يُتبع

الجزء الثالث 🖤بقلمي إيمان شلبي 🖤 كنت راكبه في العربيه جنب " مؤيد" وانا ببص من الازاز علي الشوارع في دماغي الف حاجه والف سؤال في دماغي الف سيناريو كلهم ابشع من بعض مفيش واحد فيهم منصف لغلطتي ابدا !!

في الحقيقه انا كنت عارفه أن اللي بعمله غلط واكبر غلط كمان كنت عارفه اني ميصحش ابدا اخاطر بحياتي وسمعتي وسمعه اهلي كنت عارفه أن آخره الغلط غلط ،عارفه أن اكيد مؤيد مش كويس لانه لو كويس عمره ما كان يعرض عليا عرض زي ده عمره ما كان يقلل مني ولا من احترامي لكن في كل الأحوال انا متضرره فمبقاش فارق معايا اللي يحصل

جوازي من مؤيد بالنسبالي كان اهون عليا من جوازي من جوز اختي اللي كنت هشوفها في كل ركن هسمع صوتها في كل وقت هحس بزعلها من خيانتي مع انها ماتت وبدر هيبقي جوزي زي زيها بالظبط لكن صعب

غمضت عيني مع نسمه الهواء الخفيفه اللي كانت بتخبط في وشي برقه وكأنها بتطبطب عليا من قساوه الدنيا واختارتها الغير منصفه ليا ابدا

نزلت دموعي بهدوء وانا بتخيل حال ماما وبابا لما يفوقوا وميلاقونيش بتخيل حالهم وهما عازمين كل الناس علي كتب كتابي وفي الآخر يتقال العروسه هربت مع عشيقها

فوقت من شرودي علي صوت مؤيد اللي حط أيده علي ايدي وبصلي وهو بيقول برقه: - متقلقيش

بصيتله وهزيت راسي وانا ببتسم بتوتر

كمل الطريق وكل واحد فينا ساكت لحد ما وقف في مكان شبه مقطوع ودخل بينا في شارع ضيق وبعد دقايق وقف قدام عماره كان شكلها قديم اوي ونزل وانا قاعده ببص حوليا بخوف

مش عارفه ليه خوفت بالشكل ده ؟! مع أن المكان في ناس كتير بس حسيت بقلبي بيتنفض بخوف

فتحلي مؤيد العربيه وهو بيشاولي انزل بهدوء : - اتفضلي

نزلت وانا مازلت بترعش وهو قرب مني وسحب ايدي بين ايديه ودخل العماره وهو بيسحبني وراه

طلعنا كام درجه وانا مع كل درجه بحس أن قلبي بيتنفض اكتر لدرجه حسيت هيقف من الخوف

وقفت مره واحده وانا بهز راسي بهستريه ودموع

- لا لا يامؤيد انا همشي

بصلي باستغراب ورفعه حاجب : - نعم هتمشي فين أن شاء الله

بلعت ريقي وانا بحاول اتكلم بثبات : - همشي هروح بيتي ا انا مش هقدر اعمل كده

قولت كلامي وانا بسحب ايدي من أيده وكنت لسه هنزل لقيته شدني من دراعي وهو بيجز علي أسنانه : - هو لعب عيال ولا ايه مره موافقه ومره مش موافقه هو انا لعبه في ايدك !!

بصيتله بغيظ وانا بشيل أيده من ايدي : - وانا بنت ناس ومش هتجوز بالطريقه دي

بصلي بسخريه: - والله يابت الناس انتي اللي موافقه من البدايه

اتنهدت بحزن : - كانت غلطه ومش هتمادي فيها أبدا

قولت كلامي وكنت لسه هنزل شدني وهو بيضحك بسخريه: - هو دخول الحمام زي خروجه ياحلوه!!

رفعت راسي وانا ببلع ريقي : - ي يعني ايه

شدني اكتر وهو بيضغط علي دراعي وبيبص في عيوني بشر : - يعني مفيش خروج يعني هتجوزك يعني تنسي أن كان ليكي أهل ولو فكرتي بس مجرد تفكير ياريمان تهربي هم.وتك وامو.ت نفسي معاكي

برقت عيني بصدم#مه وكنت لسه هنطق لقيته قاطعني وهو بيجز علي أسنانه: - انا بحبك اه ولو مكنتيش طلبتي مني مساعده كنت هخطفك ومش هخليكي تتجوزي سي بدر ده

كنت مصد.ومه من كلامه ودموعي نازله علي خدي وانا مش قادره اتخيل انه طلع بيحبني بالشكل المريض ده !