- الدكتور مصطفى جيه يا جنة

وصلت جنة الڤيلا قعدت فى الجنينة وهي شاردة وبتفتكر كلام عيسى

جنة بصوت عالى:- طب اعمل ايه اعمل ايه انا مش عارفه اصلا انا مشاعري ايه من ناحيته يا ريته ما قالي

:- فيه واحدة برا وعايزة حضرتك يا هانم

جنة:- مين 

:- بتقول جارتكم فى الڤيلا اللي جانبكم

جنة:- تمام خليها تدخل 

دخلت فريدة ( والدة عيسى الحقيقة) اتكلمت ببأبتسامة

: انا شفتك بتكلمي نفسك وانا واقفة فى البلكونة قولت اجاي اشوفك بس لو مش حابة انا ممكن امشي

جنة بأحراج:- امممم دا ايه الكسفة

فريدة:- هههههه ممكن اقعد 

جنة:- اكيد طبعًا اتفضلي

فريدة:- اعرفك بنفسي انا فريدة السيوفي بيت اهلي الڤيلا اللي جانبكم على طول

جنة:- اها تشرفت بحضرتك

فريدة:- بصي انا مش حابة ادخل بس حسيت انك محتاجة تتكلمي مع حد لو حابة تتكلمي انا هسمعك

جنة:- حضرتك باين عليكي طيبة اوي وبشوشة انا الصراحة ارتحتلك وهقولك عشان انا معرفش حد هنا وفعلا حابة اتكلم مع حد غير عيسى

فريدة:- دا حبيبك

جنة:- جوزي

بدأت جنة تحكي لفريدة كل حاجه حصلت معاها هي وعيسى ومصطفى

فريدة:- يحبيبة قلبي شكلك عانيتي كتير بس سيبك من كل دا وهسألك سؤال واحد انتي بتحبي عيسى

جنة:- مش عارفه انا برتاح اوي وانا معاه ومش بحب اسيبه انهاردة عرفت اني بغير عليه اوي وبيوحشني بس فى نفس الوقت مش قادره انسى اللي مصطفى عامله فيا

فريدة:- ادي فرصة لنفسك مع جوزك افتحيله قلبك انا عارفه انك مبقتيش بتثقي فى حد بسبب مصطفى دا بس عيسى ملوش ذنب اديله وادي لقلبك فرصة تحبيه

جنة:- انتي شايفه كدا

فريدة:- اكيد

فجأة جت لجنة مسدچ على فونها من عيسى

" انا اسف على اللي قولته اعتبريني مقولتش حاجه خالص"

بصيت للمسدج وابتسمت 

فريدة:- هتحبيه انا متاكده

جنة:- بتمنى

فريدة:- هو انا ممكن اشوفه

جنة:- اه اكيد

فتحت جنة معرض الصور ورتلها صورة عيسى، فريدة اخدت الفون وفضلت تكبر فى الصورة وتدقق فى ملامحه وهي حاسة بشعور غريب

فريدة بتلقائية:- هو عنده اد ايه

جنة:- ٢٨ سنة

فريدة بدموع: نفس سن ابني الكبير 

جنة:- حضرتك كويسة

فريدة: اه هسيبك انا بقى تفكري فى اللي قولته

جنة:- شكرا جدا ليكي حقيقي ارتاحت جدا فى الكلام معاكي

فريدة:- حبيبتى انا موجوده فى اي وقت عن اذنك

فريدة فى نفسها وهي ماشية:- ليه حسيت بالشعور دا اول اما شوفته اكيد لانه نفس عمر ابني اكيد ربنا يعترني فيك قريب يحبيب ماما 

بعد الضهر نور كانت خلصت محاضرتها وفجأة رن فونها

نور:- الو 

كامل:- ايوا يا نور يبتي انا بعتلك عربية بالسواق عشان توصلك متروحيش مع مصطفى

نور:- تمام يا جدو شكرا

جت العربية نور كانت لسه هتركب بس فجأة فون السواق رن 

:- بتقولي ايه 

نور:- انت كويس يعمو

:- الواد ابني الصغير تعب اوي وعايزين دكتور

نور:- الف سلامه عليه طب خد العربية وروحله وانا هاخد تاكسي

:- لا يبتي كدا الكبير يزعجلي