مستحيل أخليها تقعد جوا بيتي كامله

أبو تقي بص لرامي وقال تشرب قهوة ولا حاجة تانيه 
رامي بإبتسامة أشرب شربات
أبو تقي بصلو بإستغراب وقال شربات إيه يبني 
رامي بهدوء بصراحة أنا جاي أتقدم للأنسة تقي وهاخد رد منكم وهجيب والدتي وأجي نقرأ الفاتحة 
أم تقي رقعت زغروطة وقالت وإنت تترفض برضوا يا رامي 
أبو تقي برقلها جامد ف رجعت هي لورا خطوتين وقالت عن إذنكم هدخل جوا 

أبو تقي بص لرامي وقال إنت شاب متترفضش وكل حاجة بس هي خطوبتها لسه متفشكله وهي أعتقد إن نفسيتها مش هتكون حلوه ولا مستعدة لحاجة زي دي تاني 
رامي بإبتسامة لأ هتبقي حلوة أنا بحبها وعايزها من بدري بس إديني ردك وأنا هجيب والدتي وأجي في الوقت اللي تحددوه بس يستحسن يكون بكرة 
أبو تقي بصلو شوية وقال أمري لله بس هاخد رأيها الأول 
رامي بسرعة لأ لأ متقولهاش حاجة غير لما أجي بكرة ممكن 
أبو تقي بشك ليه 
رامي بتوتر ععايز أعملها مفاجأة وكدة ليك ولتقي وأم تقي 
أبو تقي مفاجأة إيه!
رامي بخبث بكرة تعرف 
قام وقف وقال أجيب والدتي بكرة 
أبو تقي بإبتسامة الساعة 7
رامي بإبتسامة واسعه تمام يا حاج عن إذنك 
طلع رامي بسرعة من البيت وقال أول خطوة مشيتها عقبال أخر خطوة وتبقي فبيتي رسمي
في ڤيلا عيسي 
كانو قاعدين بيهزرو وبيضحكو مع بعض وفاجأة سمعو صوت صړيخ جاي من أوضة زين 
قامت زينة جريت وكلهم طلعو وراها وراحو أوضة زين وإتصدمو لما شافو
________________________________________
قامت زينة جريت وكلهم طلعو وراها وراحو أوضة زين وإتصدمو لما شافو زين واقع علي الأرض ورجليه پتنزف وبيعيط 
قربت عليه زينة بخضة وقالت إيه اللي حصل 
زين بعياط كنت بلعب وإتعورت من الإزازة
شالتو زينة وقعدتو علي السرير وقالت لريهام هاتيلي علبة الإسعافات من الحمام دا يريهام من فضلك 
دخلت ريهام الحمام وطلعت وهي ماسكة في إيديها علبة الإسعافات 
أخدتها زينة وطلعت قطنة وبدأت تمسحلو الدم 
زين پألم وهو بيعيط براحة بتوجعني 
زينة نفخت فيها وقالت بقلق ممكن تقولي الإزازة إتكسرت إزاي 
مسح زين دموعو في كم التيشيرت وقال كنت بلعب بالبلورة ووقعت إتكسرت علي الأرض لمېت الإزاز بتاعها بس مأخدتش بالي من الحتة اللي كانت جمب السرير ودخلت في رجلي 
شدتو لحضنها وقالت خلاص يحبيبي حصل خير المهم إنها مدخلتش في رجلك وإتعورت بس 
حطتلو لزقة وقالت يومين ولا حاجة وهتروق بس اليومين دول مفيش فيهم لعب كتير علشان تخف بسرعة إتفقنا 
هز راسه ودموعه نازلة باست مكان الچرح وقالت تقدر تمشي ننزل نقعد تحت 
زين خلينا نحاول 
ساعدتو ينزل علي الأرض وأول ما رجلو لمست الأرض ووقف عليها عيط 
شالتو وقالت خلاص يحبببي مش مشكله أشيلك وننزل 
أخدتو ونزلت وريهام ونيهال نزلو وراها 
في شركة عيسي 
دخل رامي وقال بمرح عيسي إبن خالتي اللي بحبو 
عيسي وهو باصص في الورق لخص وقول عايز إيه 
رامي حط إيده علي راسه من ورا وقال إحم عايزك بليل إنت والواد مازن 
دخل مازن وقال سامع إسمي 
رامي بإبتسامة حبيبي يميزو عايزك بليل إنت وعيسي 
عيسي رفع راسه وقال بهدوء علي الساعه 
رامي بإبتسامة 7
عيسي رجع ضهره لورا بأريحيه وقال تمام

رامي بإستغراب مش هتسأل ليه 
عيسي ببرود مدام عايزني أنا ومازن تبقا مصېبة فخلينا نعرف وقتها أحسن 
رامي بإبتسامة عريضة علي خيرة الله أستأذن أنا بقا
عيسي شاور علي الباب وقال في داهيه يبني إنت لسه هتستأذن!
طلع رامي وقرب مازن وقال فيه إجتماع 
قام عيسي وقف وقال يلا 
الساعة السابعة مساءا 
في بيت تقي 
الباب خبط أبو تقي راح فتح الباب وقال بإبتسامة أهلا رامي تعالو إتفضلو
دخلت سهير ودخل رامي وأبو تقي كان هيقفل الباب رامي قال بسرعة إستني إستني 
أبو تقي بصلو بإستغراب قال رامي بإبتسامة إتفضل أمولانا
أبو تقي بصله بعدم فهم وكان لسه هيتكلم قطع كلامه دخول المأذون 
قال پصدمة مولانا!
دخل عيسي وزينة مع بعض وبعدها مازن وريهام مع بعض وزين ونيهال مع بعض 
أبو تقي پصدمة لرامي رامي إحنا قولنا قراية فاتحة بس! إنت جاي تحضر حنة بنتخالتك هنا ولا إيه يرامي
رامي بضحكة خفيفة لأ يعمي بس قولتلك مفاجأة وبصراحة معنديش مشكلة يكون فيه خطوبة بس يكون فيه خطوبة وهي مراتي وكاتبين عند مأذون علشان أعرف أخرج وأروح وأجي وأقعد معاها براحتي ومبقاش مقيد في الموضوع 
أبو تقي كان لسه هيتكلم قاطعو رامي وقال ولو علي تقي أنا هكلمهالك بس تسمحلي أقعد معاها خمس دقايق قبل ما نعمل أي حاجة 
أبو إتنهد بهدوء وقال إدخل لحد ما أعرفها إنك عايز تتكلم معاها وأخليكم تتكلمو في البلكونه بدل المورستان اللي معمول في الصالون دا 
رامي بضحكة مكتومة تمام يعمي 
دخل أبو تقي الأوضة وقال تقي حبيبتي فيه حد عايزك برا 
تقي قالت قول إن نايمة يبابا
أبوها بإبتسامة حتي لو كان رامي
تقي كانت هتشد الغطا عليها أول ما سمعت إسم رامي قامت پصدمة وقالت إيه!! رامي!
أبوها هز راسه وإبتسم وقال أه قومي تعالي يلا 
تقي خدت نفس عميق وقامت عدلت شكلها وطلعت معاه 
لقت رامي واقف في البلكونة دخلت وقفت جمبو وقالت خير 
بصلها رامي وقال معلش يعني إنتي متضايقة ليه!
دموعها نزلت ومردتش عليه أخد نفس عميق وقال تقي إنتي كنتي بتحبيني ومازلتي وكنتي عايزاني أحبك وأتجوزك أديني جيت يستي وإتقدمت بس هو دا حبك ليا تتخطبي وتسيبيني 
تقي بصتله وقالت ببرود علشان بيحبني وعندو إستعداد يعمل أي حاجة علشاني 
رامي بعصبية علي فكرة هو بيحب الفلوس أكتر منك دا أول ما شاف الشيك سا
حط إيدو علي وشه وقال أحيه 
تقي بصتله پصدمة وقالت منصور سابني بسببك!
شال إيدو من علي وشه بهدوء وقال ببراءه أنا يبنتي!
تقي بغيظ مدام البراءه دي يبقا إنت 
رامي بعصبية خفيفة عايزاني أعمل إيه يعني بعد ما علقتيني بيكي وحبيتك تسيبيني وتتخطبي كدة والمفروض أقفل أتفرج عليكي! خلي بالك هو لو مكانش سابك بالشيك كنت هخليه يسيبك بالعافية لإنك مش هتبقي غير ليا يتقي 
تقي فرحت جدا من جواها بس قالت بوش جامد للأسف جيت متأخر أوي وأنا مستحيل أوافق عليك يرامي لإن ببساطة مبقتش أحبك
رامي برفعة حاجب أخر كلام مش عايزاني!
تقي ربعت إيديها وقالت بتحدي وعناد مش عايزاك يرامي 
After 15 Minutes 
بارك الله لكما وبارك عليكما وجمع بينكما في خير 
شدها رامي من جمبو وحضنها جامد وقال بسعادة مبالغ فيها مبروك ينورعيني 
ضحكت وقالت بإبتسامة وهي بتضمو ليها أكتر الله يبارك فيك يحبيبي
________________________________________
بدأ الكل يباركلهم وهما فرحانين جدا ليهم 
أخد رامي تقي ونزل علشان يخرجو بس هيروح سهير قبلها وعيسي أخد زينة وزين ونيهال وخرجو يتعشو سوا ومازن وريهام راحو بيتهم
في المطعم 
عيسي قرب من زينة وقال بهمس إيه القمر دا أنا كدة هحب أروح بسرعة 
ضړبته في كتفه بخفة وقالت بهمس