رواية القادرة بقلم ميرفت السيد
قال سليم لاخوته وهو يغادر: لما اتأكد من كلامكم انا الي هاتصرف
ياسر : اوعى تنسى ان دة شرف اخوك
سعد:المهم ياسليم متفتكرش اننا طمعانين بفلوس نصر ابدا احنا عاوزين ولاد اخونا يتربو وسطنا ومتجيش ىواحدة زي سارة تصرف فلوس نصر وتتحكم فيها على هواها
سليم بهدوء :انا سمعتكم بس متعودتش أصدق الا لما اتأكد
وابتسم بهدوء: وصدقوني انا هعرف اتأكد من كلامكم سلام
واقروا الفاتحة لاخوكم
انصرف سليم وهو مش عارف يصدق اخواته في الكلام الي قالوه على ساره ولايصدق اخوه نصر على كلامه عنها الي هو عكس كلام اخواته
بقلم مرفت السيد
وبالنهاية توجه الى شقة سارة وامسك بخطاب نصر وضعه بحواره ثم خلد للنوم ولم يقرأ الخطاب
مروة:احنا نعمل كل حاجة ياجماعة عشان متتهناش هي بفلوس نصر قال سامي :انا كلمت المحامي ورفض يسمعني حتى
قال كريم : يبقى نتصرف احنا ياللا كل واحد على شقته
كان هناك من يسترق السمع إليهم ويسجل بهاتفه كل مايحدث بينهم وانصرف بهدوء قبلما ينتبهوا الى وجوده
عند سارة ارسل لها المحامي على الواتس قائلا :انا اسف على ازعاجك وبالظروف دي ولكن حابب أحذرك اخوات نصر بيحاولو يجندوني وبيتفنتوا بكل الطرق لايذائك ارجوكي احذري
وامسكت بصورة زفافها على نصر وانف.جرت بالبكاء حتى نامت من الارهاق والحزن
وبالصباح استيقظت سارة على رنين هاتفها من رقم غريب فردت :الو مين
فاجابها صوت انثوي : مدام سارة
ايوة مين
:فاعلة خير وصدقيني عندي كلام مهم
اتفضلي خير
:مش دلوقتي بس الي عندي هايبرأك من تهمة بيحاولو يتهموكي فيها اهل جوزك بما فيهم سليم
:والمطلوب
لما التهمة توصلك هاكلمك واقولك قدري تمن برائتك
واغلقت الخط
سارة محدثة نفسها:رمتني وسط الديابة يانصر
واتصلت بالمحامي : ازيك يالستاذ حامد
:الحمد لله معلش رد عليا بصراحة هما اخوات نصر كانو عاوزينك تتفق معاهم عليا وتعمل إيه
مفيش داعي انا هزأتهم
:خليني اخد حذري لو سمحت
بس وعد ماتعمليش مشاكل معاهم
:عيب ياحامد انت عارف اني ورايا مسئولية اكبر من كدة
عارف ياسارة شوفي انا بحترمك وواثق من أخلاقك
هما عاوزيني اساعدهم واقول عنك انك على..
:قول ارجوك
انك على علاقة بشاب ووقتها يرفعو عليكي قضية ويحرموكي من كل حاجة
:اناااا
هما ماقالوش دة صراحة ولكن انا فهمت ورديت متخافيش
سارة بصد@مة:لاحول ولا قوة الا بالله ربنا موجود
اقفل ياحامد انا كويسة متقلقش
دخلت لمياء :مالك ياسارة
مفيش يالمياء ماتشغليش بالك بس انا لازم انقل في بيتي التاني ضروري لحد مااشوف هاعمل ايه
لمياء :فهميني
سارة:هافهمك
وقصت عليها كل ماحدث
لمياء :منهم لله ربنا ينتقم منهم
