قصة بئر الجن بقلم ريناد يوسف

منكم لما تجتمعوا انتوا الاتنين. 
سامح
والله يبني معاك حق حتى انا بخاف لما اشوفهم مندمجين مع بعض.. بعدها على طول بيطلعولنا بمصېبه.
بس المصېبه يعني سي فادي طلعلنا بيها من امبارح واكيد خالد بيخطط معاه لتنفيذها.. هاه يافادي ياخويا قولي ربنا مهداكش ورجعت عن الرحله اللي مش باينلها ملامح بتاعتك دي 
فادي
بالعكس دانا صممت عليها اكتر وخالد حبيبي ضافلي عليها شوية بهارات هيخليها رحلة العمر. 
الاتنين بصولي وسامح هز دماغه وهو بيقولي
بهارااات ااه قولتلي.. طيب ياسيدي قولنا إضافاتك وبهاراتك ماهي سنه مطينه بطين الظاهر. 

كنت هتكلم واقولهم لكن حماس فادي خلاه هو اللي اتكلم وقال 
اسمع ياسيدي انت وهو احنا هنروح الرحله ونروح لبير اسمه بير برهوت ودا بيسكنه الج. ن 
وهننزل البير ونعمل عيد ميلادي جواه. 
ماجد
الهي جن يلهفك انت وخالد في ساعه وحده يابعيد جن ايه اللي هتعمل عيد ميلادك وسطهم لا ومسافرلهم اليمن هما المحليين اللي هنا قصروا معاك في حاجه 
وبعدين انت ازاي نفسك تسولك اني ممكن اوافق على حاجه زي دي 
لا ياعم انا مش لاعب هابي بيرث داي تو يو وحل عني انا عيل خواف دانا بصحي حد يوقفلي بالليل وانا رايح الحمام
سامح
وانا انيل من ماجد ولما محدش بيصحى يقفلي بعملها على روحي وبنام بيها للصبح ومعترف اني اجبن مخلوق عالأرض ومش خجلان من حقيقتي. مانتلم ياجماعه وبلاش الهزار البايخ بتاعكم دا دانتوا بقيتوا عيال غتيته وهتبوظوا عيد الميلاد اللي بنستناه من السنه للسنه عشان نفرح.. منكم لله! 
فادي
ياشباب اسمعوني بس بإمانه هتكون مغامره جميله اوي. 
سامح
انا مش رايح. 
ماجد
وانا شرحه روح انت وخالد غامروا وانزلو البير و شوفوا جنون اليمن واقعدوا معاهم شويه وقضوا عيد الميلاد وسطهم وتعالو واحنا مستنينكم هنا. 
رد عليهم فادي بزعل
اول مره تخذلوني كده ياولاد وتعرفوا ان فيه حاجه هتفرحني ومتعملوهاش عشاني! 
دانا مليش اصحاب غيركم وكنت حابب نقضي العيد دا مع بعض زي كل عيد. 
سامح
تراني تأثرت لحظه ابكي.. ماهو بص يافادي انت صحيح صاحبنا وحبيبنا وولي نعمتنا وسبب فرحتنا وكسوتنا وكل حاجه حلوه بتنزل معدتنا
بس دا مش معناه انك تاخدنا نقضي عيد ميلادك في جهن. م ياحبيبي.. عند هنا وتبا للصداقه وأبو الصداقه العمر مش بعزقه ياصاحبي يروح فادي يجي فادي غيره انما يروح العمر هنجيب عمر تاني منين 
اعقل ياغالي وبينا على هاوي نقضي العيد في الجنه بدال مانقضيه في الڼار.
سكت فادي وملامحه فعلا كانت متأثره وحتى انا ادايقت من العيال الجبانه دي وحسيت ان حماسي للموضوع همد مع موقفهم السلبي ده
لكن فادي رفع دماغه وعيونه لمعت مره تانيه وهو بيبص لسامح وفادي ويقولهم
هدي لكل واحد فيكم ٢٠ الف جنيه مقابل إنكم تيجوا معايا. 
الاتنين بصوا لبعض وبلعوا ريقهم من العرض المغري وسكتوا شويه وفي محاوله ذكيه من ماجد قاله
خليهم ٥٠ واروح معاك واتحزم وارقصلك فى وسطهم واعملهم فقرة الساحر. 
فادي سكت دقايق وسامح وماجد باصين لشفايفه مستنيين ينطق كلمته والاتنين شهقوا بفرحه وهو بيقولهم
موافق.. نروح الرحله ونرجع يبقى كل واحد ياخد في إيده ٥٠ الف جنيه. 
سامح اتفرد على الكرسي وحط رجل على رجل وقال بفرحه مش قادر يخبيها
علي فكره بقى انا كنت بضحك عليكم في مسالة خۏفي من الج. ن انا بس كنت حابب إن فادي يرش علينا الرشه الجريئه دي. 
ضحكنا كلنا والحماس رجعلي انا وفادي من تاني بعد ماضمنا جمعتنا وفادي بصلي وغمزلي بإنتصار فسألته
وبالنسبه لصاحبك الغلبان له ٥٠ من مال ابوك اللي عمال تبعزقه دا ولا عشان طيب وبطاوعك من اول مره راحت عليا الرشوة 
ضحك وقالي
ياصاحبي دانت تاخد اللي عايزه وتاخد قلبي كمان فوقه.. يلا بس شوفلنا هنقدر نعمل اللي قولت عليه دا ازاي وايه المطلوب وانا معاك. 
لسه هنكمل سهرتنا لكن فادي جاله تليفون من ابوه بيقول انه عايزه ضروري فسابلنا حساب الحاجه اللي لسه هنطلبها و مشي وسابنا وسامح اتنهد وهو باصص لفادي اللي بيركب عربيته وقال بحسره
ملعۏن ابوك يافقر حاوجنا للمجانين. 
ماجد
اسكت بقى وفكر معايا هنعمل ايه بال٥٠ الف دانا فيه في دماغي مشاريع كتيره اوي. بفكر افتح شركة سياحه او استيراد وتصدير

ايه رأيك
ضحكنا عليه انا وسامح وسكتوا هما الاتنين والظاهر ابتدوا فعلا يفكروا هيعملوا ايه بالفلوس. 
أما انا فتفكيري كان