روايه غدر حياه كامله لهبة أحمد
النت مش عاوز صبرى ينفد وزقهم جامد
الحاج جابر .. خلاص يا نوسة منه لله امشى من سكات
منار .. مش عارفة مصطفى اخويا عمله ايه معاه ف علشان ينتقم منه عمل معايا كده
الحاج جابر .. طب ازاى ومصطفى مسافر من اكتر من 15 سنه ومانزلش مصر غير مرتين دا حتى محضرش جنازة امه
نوسة .. تعالوا نعمل له محضر
الحاج جابر .. بلاش فضايح دا شكله مرتب كل حاجة يعنى مش هنستفيد غير الشوشرة على الغلبانة دى انا السبب كان المفروض اسأل علية كويس اسف يابنتى يلا نمشى انا حاسس انى هاتخنق
الحاج جابر .. اعتبرى الشقة ولعت ومطلعش منها الا بنتنا سليمة
منار .. انا طلعت بعارى يابابا وقعدت تبكى جامد ياريتنى كنت مۏت
نوسة .. اركبى بعد الشړ عنك يلا يا حاج نروح شكلك تعبان
منار .. المفروض اكون سعيدة وعايشة حياتى مش مکسورة
الحاج جابر .. ربنا منتقم جبار اتصلى بدكتور معتز يا نوسة
منار .. انا بخير يابابا ارجوك بلاش تتعب انا محتاجه ليك اوى
نوسة .. دكتور معتز جاى تشكر يااسطى
الحاج جابر .. بعد ما طلعوا شقتهم عاوز اقول ليكم كلمتين تعالوا جنبى
منار .. تحت امرك بالله عليك بلاش تحمل نفسك فوق طاقتها دا كل شيئ مقدر ومكتوب
نوسة كلام منار صح هاجيب عصير بسرعة
منار .. انا مش عوزة حاجة غير وجودك جنبى انا مليش غيرك
الحاج جابر .. انا خلاص يا بنتى وصلت للمحطة النهاية
منار .. هدخل اوضتى خليكى مع الدكتور يا نوسة
الحاج جابر .. مسك ايدها خليكى يابنتى انتى ماعملتيش حاجة غلط دا كل شيئ مقدر ومكتوب
طارق .. طلب عده ارقام وعندما اتاه الرد قال عماد عوزك ضرورى انا فى شقة العجمى
عماد .. ما انا عارف انت ناسى ان انا اللى موصلك من ست ساعات وربع ههههه هو انت مش عريس بروضة
عماد .. يخرببيتك ليه عملت كدة انا جاى
نوسة .. اتفضل يا دكتور معتز
دكتور معتز .. خير هو الحاج جابر ماله
نوسة .. شكله مرهق شوية كنا مسافرين عند اخو الحاج ولسة جاين من شوية
دكتور معتز ..
الف سلامة عليك يا حاج جابر مالك بتشتكى من اية
دكتور معتز .. الاعمار بيد الله ربنا يطول عمرك ممكن اقيس ضغطك
نوسة .. من خارج الاوضة منار تعالى عوزاكى
منار .. نوسة انا حاسة انى مش قادرة اقف ممكن توصلينى لسريرى
نوسة .. مالك يا قلبى اخلى دكتور معتز يكتب ليكى حاجة
منار .. ياريت يكتب ليه حبوب السعادة ودموعها نزلت
نوسة .. اجمدى ابت ابويكى محتاج لينا نامى شوية وانا هحضر عشا خفيف قصدى فطار النهار طلع خلاص
منار .. ربنا يخليكى لينا يا اجمل ام واحن خالة
نوسة .. ويعوض عليكى يا قلبى هوصل الدكتور واحضر لقمة تكونى ارتاحتى شوية
دكتور معتز .. هنزل اجيب االعلاج دة وجاى
نوسة .. ممكن ترن على فون الحاج وانا انزل السبت من البلكونة اخده منك
دكتور معتز .. يبقى كتر خيرك الا انا ھموت من التعب الف سلامة على الحاج خليه ياكل حاجة قبل العلاج
نوسة .. حاضر تشكر اتفضل الفيزيتا وتمن العلاج
دكتور معتز .. ومن امتى اخدت الفيزيتا من عمى جابر دا هو اللى مربينى مع مصطفى
نوسة .. ربنا يبارك فيك طب خد تمن العلاج
دكتور معتز .. المرة الجاية هاخد تمن العلاج سلاموا عليكم
الحاج جابر .. يا نوسة هى منار نامت
نوسة .. انا خليتها ترتاح على ما احضر ليكم لقمة خفيفة
الحاج جابر .. خلى بالك منها يا نوسة بنتى انظلمت منه لله فى اللى كسر فرحتها وحطمها لعله خير ليها
نوسة .. ربنا يخليك وتعوضها وتفرح بيها تانى وتشيل اولادها
الحاج جابر .. البركة فيكى انتى ابوها واخوها
نوسة .. ارتاح هاروح احضر الاكل وتركتة ودخلت المطبخ لتحصير الاكل الى ان سمعت صوت صړاخ منار تعلن عن مۏت ابوها
طارق .. انا حاسس انى ظلمت منار
عماد .. انت فعلا ظلمت الغلبانة دى ياما قولت ليك قبل ما تتقدم ليها اقعد مع اختك واعرف اذا كان كلامها صح ولا بتكدب عليك
طارق .. انا تعبان جامد ممكن تروحنى
عماد .. تحت امرك سيبلى موضوع اختك انا هاعرف الحقيقة من الزفت مراد بطريقتى
طاريق .. ياريت يمكن ساعتها اقدر ارجع منار وارضيها
عماد .. معتقدش دة هيحصل انسى الاهم دلوقت الحقيقة تظهر
بعد مرور اسبوعين على مۏت الحاج جابر
نوسة .. فوقى ياقلبى عوزين نمشى من هنا وننسى اى حاجة حصلت ونبدأ من جديد
منار .. انسى ايه ولا ايه انسى انى انخدعت فى زوج فاسق كان متزوجنى علشان ينتقم من اخوية فيا وياريت كان زواج شرعى ولا عرفى دا كان ژنا انا سلمت نفسى لانسان حقېر والله ما كنت اعرف ان المأذون كان بيمثل علينا ولا ابويا اللى ما استحملش وماټ انا واحدة ژانية وقاټلة انا مستهلش اعيش
نوسة .. ابوكى كان عنده السړطان فى الكبد وفى حاله متأخرة فمتشيليش نفسك ذنب مۏته اما زوجك ف ربنا هو الوحيد اللى قادر على اخد حقك
منار .. يا ريتنى ما عرفتة ولا وفقت على الزواج كان زمان بابا معانا نتحما فيه
نوسة .. دى اعمار يا قلبى يلا علشان منتأخرش الحاج ايوب لسه متصل بيطمن اننا هنمشى النهاردة
منار .. حاضر يا نوسة معلش شيلتك همى
نوسة .. بطلى عبط انتى حتة من قلبى ابت دا لولا ابوكى كان زمانى اتزوجت الزفت حسين وقټلته ودخلت السچن ومكنش بقى ليكى خالة ومرأت اب قمر زيي
منار .. ربنا يخليكى ليا يا كل الناس
نوسة .. يلا عمى مصلحى نزل الشنط وحطها فى التاكسى
منار .. هاجيب الشنطة اللى فيها اوراقى المهمة بسرعة
نوسة.. انا حطيتها فى الشنطة الكبيرة
منار .. يلا توكلنا عليك يارب بقولك بلاش عمى مصلحى يعرف احنا رايحين فين
نوسة .. عارفه اللى فى دماغك علشان كدة قولت له اننا هنسافر عند الموكوس اخوكى
منار .. جدعة يا نوسة طب والسواق ممكن يكون يعرف عمى مصلحيى ويقوله
نوسة .. تصدقى ابت انت مخك جامد ولا يهمك احنا نخلية يوصلنا للموقف ومن هناك ناخد تاكسى تانى
منار .. حبيبتى يا اطيب خالتو
نوسة .. وانت قلب خالتك عمى مصلحى خلى بالك الشقة امانة لحد ما نرجع
مصلحى البواب .. على فين ان شاء الله
نوسة .. مصطفى بعت لينا زيارة عنده ويمكن نغيب شوية واداى رقم خالى لو فى اى حاجة
مصلحى .. تمام يا هوانم غريب خلى بالك منهم
غريب سائق التاكسى .. حاضر يا عمى مصلحيى
نوسة .. اشوفك على خير
