رواية السر القديم كامله من الاول للاخير
حياتي اتقلبت النهارده لما ماما وهي بتموت صارحتني ب سر خطير محدش يعرف عنه حاجه غيرها....
انا اسمي آية وعندي ٣٠ سنة مطلقة بعد جوازي ب ٩ سنين بس ربنا مأردش اني اخلف.... والدي متوفي وعايشة مع والدتي المريضة واخويا يوسف اصغر مني ب ٣ سنين بيشتغل وبيصرف علينا وانا بخدم امي وبعمل الاكل وشوف البيت
مقدرتش انزل اشتغل عشان مش هينفع انزل واسيب ماما لوحدها....
بداية تعبها بعد وفاة بابا ب سنة ابتدي يجيلها صداع مستمر لحد ما راحت لدكتور وطلب اشاعة وتحاليل واتشخصت ب مرض الكانسر وبدأنا علاجنا الكيماوي لكن للاسف الكانسر انتشر في كل جسمها وبقت ملازمه الفراش راضية ب قضاء ربنا وعارفه انها قربت تموت....
اخويا يوسف بيشتغل شغلنتين عشان يقدر علي مصاريف العلاج وحتي مبيلحقش ينام....
كان بيحب واحدة وراح خطبها لكن هي سابته وقالتله انا مش هفضل مستنياك كل ده وانت كل فلوسك صارفها علي اهلك
قرر انه مش هيعلق نفسه ب حد تاني وهيعيش لينا وبس وكل فلوسة بيصرفها علي علاج ماما والباقي بنجيب بيه اكل
ماما ربتنا علي تحمل المسؤلية من صغرنا وانا واخويا قريبين من بعض ومبنخبيش حاجه علي بعض لما بيبقي متدايق في شغله بيجي يحكيلي وبخفف عنه....
اليوم الي حصلت فيه الكارثة ماما الصبح كانت تعبانه اوي ويوسف فالشغل....
نادت عليا
_ ياآية...
= نعم ياماما اجبلك حاجه
_ لا يابنتي تعالي اقعدي جنبي انا عاوزه اتكلم معاكي شوية....
= خير ياماما...
_ انا يابنتي في حاجه شيلاها في قلبي وخنقاني اسمعيني ومتقاطعنيش فالكلام انا خلاص يا آية بمoت ومش هرتاح غير لما تسمعي مني الكلام ده لعل ان ربنا يسامحني....
من ٢٨ سنة كنتي انتي معايا مالية عليا حياتي ابوكي الله يسامحه مامتة قعدت تزن عليه اني احمل تاني بحجه انها عوزاني اجيب الولد الي هيشيل اسم العيلة...
= طب وايه المشكلة مانتي جبتي يوسف
_ يابنتي اسمعيني ومتقاطعنيش فلكلام....
خليني اعرف اقولك الكلمتين الي حطاهم في قلبي من سنين وساكته....
حملت وعدا اول شهر ورحت للدكتور وطمني علي حملي لحد الشهر الرابع الي رحت فيه للدكتور وسألته انا حامل في ولد ولا بنت وقالي
_ الحقيقة مش باين حامل في ايه بس كده يبقي احتمال بنت...
حكيت لابوكي ومتوقعتش رد فعله لقيته بيزعق فيا جامد وبيكسر البيت وحامل في بنت ازاي انا عاوز الولد وانا مكنش ليا ذنب بس انا هديته وقولتله هغير الدكتور وممكن يكون كلامه غلط بلاش تتسرع....
تاني يوم رحت لدكتور تاني لكن اول ماحط السونار علي بطني اكدلي انها بنت سيبته ومشيت وانا مش عارفه اقول لابوكي ايه الي قاعد مستنيني ومستني اقوله اني هجيبله الولد...
_ ماما انا بصراحه مش فاهمه ولا كلمه
= سيبيني اكمل كلامي الاول....
روحت البيت لقيت ابوكي قاعد مستنيني وعينه بتطق شرار
_ ها عملتي ايه
= انا طلعت حامل في ولد والدكتور كان غلطان
_ بجد انا مش مصدق نفسي اخيرا هتجيبيلي الولد الي نفسي فيه...
اضطريت اكذب عليه عشان بيتي ميتخربش.... انا بحكيلك الكلام ده عشان تدوري علي اختك...
_اختي!!!!! اخت مين...
_هكملك يابنتي اسمعيني كويس الشيطان غواني وخلاني اتفقت مع الممرضه الي بتشتغل عند الدكتور الي ولدت عنده دكتور محمد عباس انتي عرفاه اديتها اسورة دهب غالية جدا كانت عندي وقولت لابوكي انها وقعت مني في مقابل انها تظبطلي معاد ولادتي مع ميعاد ولاده واحدة حامل في ولد ونبدل البنت
_ ايه ياماما انتي بتقوليه ده
= دي الحقيقة يابنتي والله يوسف مش اخوكي دوري علي
اختك يا آية وخليها تسامحني وخلي يوسف يسامحني
وسامحيني يابنتي وادعيلي ربنا يسامحني وفجأه لقيتها سابت ايدي وصوتها راح كانت حاسة بنفسها وعارفة انها خلاص بتموت...
جالي صد@مة وادركت ان ماما مشيت وسابتلي حمل تقيل فوق كتفي مش عارفه هتصرف في ازاي...
قعدت جنبها عالارض وجسمي كله بيترعش مبقتش عارفه اصوت ولا اكلم مين ومحستش بنفسي غير والباب بيفتح...يوسف جه...
_ آيه ايه الي منيمك عالارض كده
وماما ايه الي منيمها لحد دلوقتي ماما مالها يا ايه مبتصحاش ليه ردي عليا...
= متتعبش نفسك يايوسف ماما خلاص ارتاحت وربنا خد آمانته...
_ اوعي تقولي كده ماما هتخف وتبقي كويسه ....وفجأه لقيته انهار من العياط وقعد يهز فيها مسكته وبعدته عنها....
وكلمت خالي وجابوا المغسله وصلينا عليها وانا بودعها قربت منها وقولتلها متخافيش ياماما انا هريحك في تربتك وكل حاجة هتتصلح وقعدت ادعيلها....
اول يوم عدا علينا كان صعب اوي كأننا كنا بنحلم ومكناش عاوزين نصدق ان ماما راحت خلاص مننا...كنت قاعده في اوضتي عماله اعيط مش عارفه اعيط علي امي الي ماتت ولا اخويا الي عايشة معاه بقالي ٢٨ سنة وهو مش اخويا....فجأه لقيت الباب خبط ويوسف داخل...
_ انتي قاعدة لوحدك ليه يا آية تعالي اقعدي معايا انا مخنوق مش قادر اقعد فالبيت من غير ماما...
ولقيته قعد يعيط ويقرب مني وبيحضني رحت افتكرت كلام
ماما وبعدت عنه هو مهما كان مش اخويا من امي وابويا
حرام يقرب مني
= معلش يايوسف انا محتاجه اقعد لوحدي شوية من فضلك
سيبني لوحدي دلوقتي
قعدت افكر هو ملهوش ذنب في اي حاجه بس هو مش اخويا
ولازم يعرف الحقيقه عشان نشوف هنتصرف انا وهو ازاي
انا مش هشيل الحمل ده لوحدي لازم اتجرأ واعرفه الحقيقة
وانا قاعدة افكر لقيت طليقي بيتصل بي عشان يعزيني
استغربت جدا لأن من ساعه ماسيبنا بعض محدش فينا كلم
التاني فتحت التليفون...
_ ازيك يا آية كان نفسي اكلمك في ظروف احسن من دي
البقاء لله....
_ ونعم بالله يامحمد شكرآ ل سؤالك....
= انا كنت عاوز اتكلم معاكي شوية...
_ مفيش بينا كلام يامحمد وبعدين ده مش وقت تتكلم معايا
فيه....
وقفلت معاه واستجمعت قوتي وطلعت ل يوسف احكيله
علي كل حاجه بس لقيته بيتكلم فالتليفون معرفش ايه
خلاني اقف ورا الباب اسمعه بيكلم مين وبيقوله ايه وسمعته
بيقول....
سمعته بيكلم خالي ويقول له انا شاكك ان آيه مخبيه حاجه عليا بتتعامل بطريقه غريبه
اول مره احس انها مش عايزه تتكلم معايا
ما قدرتش امسك نفسي وطلعت وقلت له انا فعلا مخبية حاجه عليك حاجه لازم تعرفها
ماما خبيتها علينا وعليك من زمان احنا مش اخوات يا يوسف
ايه انتي بتقولي ايه مش اخوات ازاي يعني انتي شكل مoت ماما اثر عليكي....
=انا هو ما فيش حاجه اثرت عليا ولا مoت ماما ولا حاجه كل الحكايه ان ماما قبل
ما تموت صارحتني بسر ما حدش يعرف عنه حاجه غيرها قالت لي ان انا وانت مش اخوات وإن بابا
كان نفسه يجيب ولد وهي
اضطرت تعمل كده عشان بابا لما عرف انها ممكن اللي في بطنها تكون بنت كان
هيطلقها ويرميها ماما ما لهاش ذنب يا يوسف وانا وانت ملناش ذنب احنا لازم
ندور على اختنا واللي عايشه مع اختنا دي تبقى مامتك...
_آية انتي بتتكلمي بجد انا مش مصدق نفسي يعني انا كل ده عايش في كذبه عايش
مع ناس مش اهلي امال انا ابن مين ليه عملتوا فيا كده
=ما تلومنيش انا يا يوسف انا زيي زيك انا كمان كنت عايشه في كذبه وعارفه انك
اخويا ابن امي وابويا لكن للاسف كل ده طلع كذب معلش يا يوسف
انا عارفه انه مش وقته بس احنا مش هينفع نعيش مع بعض انا وانت مش اخوات
وماما ما كنتش بترضع يعني احنا حتى
مش اخوات في الرضاعه لازم تشوف مكان تعيش فيه او انا ممكن اروح عند خالو
لحد ما نشوف هنعمل ايه بس يا يوسف انا عاوزه اطلب منك طلب
صغير ما تحكيش لحد الموضوع ده سيب ماما ترتاح في تربتها ما تخليش اي حد يتكلم عليها
_ الله يسامحك يا ماما انتي وبابا ولا بلاش يا ماما وبابا ما انا طلعت ما ليش اهل ليه تعيشوني العمر ده كله في كذبه كبيره اروح فين انا دلوقتي ادور على اهلي فين
= هنلاقيهم يا يوسف اوعدك هلاقي اهلك ماما اديتني شويه معلومات لازم ادور عليهم والاقيهم عشان هم دول اللي هيوصلوني لاختي....
سبته دخلت اوضتي عشان افكر انا هاعمل ايه قعدت شويه ولقيته بيلم هدومه وبيقول لي
_ انا هبات في الشغل كم يوم يكون دبرت نفسي ولقيت شقه ايجار انا عارف يا ايه انك ما لكيش ذنب في كل اللي بيحصل ده بس هي ظروف وحكمت علينا انت محتاجه اجيب لك اي حاجه قبل ما امشي
_ خلي بالك من نفسك يا يوسف وكلمني طمني عليك اول ما توصل مهما حصل انت هتفضل اخويا حتى لو ما كناش اخوات بالدم انت اخويا اللي في قلبي اللي هافضل احبه على طول وافتخر انه اخويا
سابني ونزل وانا قعدت افكر هاعمل ايه من اول بكره اول حاجه عملتها جبت رقم دكتور محمد عباس واول ما النهار طلع اتصلت حجزت عنده عشان اخذ عنوان العياده بالتفصيل
لبست هدومي الصبح رحت قبل ميعاد العياده لقيت الممرضه لسه يا دوبك بتفتح واحده سنها كبير شكيت انها نفس الممرضه بس عشان مظلمهاش قلت اما اقعد اتكلم معاها واسالها
_ الظاهر ان انا جيت بدري هو انتي شغاله هنا من زمان
= انا هنا مع الدكتور من اول ما فتح ما سيبتهوش خالص بقى لي معه اكثر من 30 سنه وهو ما بيرتحش في الشغل مع حد غيري
مقدرتش امسك نفسي ولقيتني باقول لها
_ ويا ترى بقى الدكتور عارف باللي انتي بتعمليه من زمان
= باعمل ايه هو انت تقصدي ايه بالضبط
_ لا انت فاهمه قصدي كويس ولو ما ساعدتنيش الاقي اختي الدكتور بتاعك هيعرف كل حاجه
فجاه لقيت الدكتور بيدخل وبيقول لي _حضرتك مريضه جديده عندنا
= لا ابدا انا دخلت هنا بالغلط بعد اذنك
الدكتور سابني ودخل الاوضه بتاعته يجهز نفسه وانا قلت للممرضه
_ اديني رقمك بعد الشغل هاكلمك ولو غدرتي بيا الدكتور هيعرف كل حاجه وهتتحبسي
خليك متعاونه معايا ده لمصلحتك...
= انا مش فاهمه انت بتتكلمي عن ايه وعايزه ايه مني...
_ اقسم بالله لو ما ادتيني رقمك هادخل للدكتور دلوقت حالا وهاعمل لك فضيحه
ولو كلمتك وما ردتيش هتشوفي انا هاعمل ايه
لقيتها طلعت رقمها بسرعه واديتهولي وقالت لي بعد اذنك امشي دلوقتي وكلميني الساعه ٩....
اخدت الرقم وروحت البيت ارتاح شويه واستنيت الساعه ٩
واول ما اتصلت بيها...
ما لقيتهاش هي اللي ردت لقيت واحد بيرد عليا وبيقولي.
لقيت واحد صوته غريب بيرد عليا وبيقول لي انت مين وعايزه ايه قلت له
= مش ده رقم هاله الممرضه اللي بتشتغل مع دكتور محمد عباس
_ ممرضه مين يا دكتور ايه ما تتصلش هنا ثاني عشان مهزقكيش
ساعتها عرفت انها ادتني رقم غلط وقلت اروح لها بكره تاني ومش همشي غير لما ترد علي اسئلتي
رحت لها تاني يوم العياده وقفت استنيتها قبل ما تفتح
قلت لها انتي لو ما جيتيش معايا دلوقتي هاعمل لك فضيحه
هنا اتصلي بالدكتور وقولي له انك مش هتقدري تيجي النهارده
وبالفعل اتصلت بالدكتور وقالت له ان مامتها تعبانه جدا ومش هتقدر تيجي
اخذتها وقعدنا في مكان نتكلم فيه وقولتلها....
_ انا عاوزه اعرف كل اللي حصل يوم ولاده امي هي كانت متفقه معاكي انك تبدلي البيبي بولد....
= انا مش فاهمه انت بتقولي ايه وعايزه توصلي لايه بالضبط
_ لا انتي فاهمه كل حاجه ولو ما ساعدتنيش انا هبلغ البوليس عليكي
انا عايزه اعرف مين اللي ولدت في نفس اليوم مع ماما ولو ناسيه باماره الاسوره الي ماما اديتها لك عشان تبدلي البنت بولد اظن ما فيش حاجه اوضح من كده...
فجاه لقيتها اتوترت وبتقول لي
_ لو سمحتي انا عايزه امشي انا ورايا شغل
مش هتمشي من هنا غير لما اعرف كل اللي انا عايزه اعرفه قولي لي مين اللي بدلتي معاها الولد بالبنت ارجوكي
ساعديني انا عايشه مع واحد مش اخويا وامي ماتت الله يرحمها ساعديني وخليني اريحها في تربتها...
فجاه لقيتها دموعها نزلت وبتقول لي
_ انا والله توبت وما بقتش اعمل كده مامتك جاتلي وهي منهاره واترجتني اني اعمل كده
يوم ولاده مامتك الدكتور ولد الحاله الاولى الاول والممرضين حمل بيبي وانا ما كنتش معهم ولبسوه وادهولي دخلته الحضانه
وتاني حاله كانت مامتك بتولد وانا كنت ساعتها في الحضانه انا مكاني في المستشفى في الحضانه بس ما دخلش مع الدكتور جوه نادوا عليا وكانوا لبسوا البيبي اللي مامتك ولدته
دخلت اخذته وقلعتهم اللبس اللي من بره هو والبيبي التاني وبدلتهم وبدلت اسم الام....
ومامتك بعد ما ولدت بساعه اله انا ماشيه انا مش عايزه اقعد في المستشفى خافت لا الموضوع ينكشف لكن ما حصلش اي حاجه ولا اي رد فعل من اللي كانت بتولد معاها تقريبا رضيت بنصيبها ما زعلتش ان هي جابت بنت...
_ طيب انا عايزه اعرف دلوقتي هي كان اسمها ايه واعرف معلومات عنها كفاية
= هاعملها ازاي دي الموضوع ده م١ت واندفن مش هاعرف اساعدك
_ ما ليش دعوه روحي المستشفى كلمي حد راجعي في الدفاتر اتصرفي انتي المسؤوله قدامي تعرفيني مين اللي كانت بتولد مع ماما قدامك يومين بالظبط وانا اوعدك مش هاجيب سيرتك في اي حاجه...
= بس بصراحه انا ما معيش فلوس لكل ده عشان اراجع الدفاتر لازم ادفع فلوس
_ ايوه يعني انتي محتاجه كام....
= مش اقل من 5000 جنيه
_ 5000 ايه اجيبلك منين المبلغ ده....
= اتصرفي او بيعي اي حاجه عندك انا يا بنتي معيش فلوس ادفع لحد حاجه
طلعت لها اخر الف جنيه كانت معايا واديتها لها وقلتلها لما تجيبي لي الاسم هاديكي باقي الفلوس وهي وافقت
روحت البيت وفضلت منعزله عن العالم يومين قاعده مستنيه تليفوني يرن وتريحني وتقول لي اختي فين
وبعد يومين لقيتها بتتصل بيا وتقول لي انا جبتلك الاسم
والعنوان كمان بس مش هديهملك غير لما اخذ باقي الفلوس
واراضي الناس عشان ما يحصليش مشكله
قلت لها هاجهز لك كل الفلوس اللي انتي عايزاها قابليني بكره في نفس المكان
كان معايا سلسله بتاعتي دهب رحت بعتها وكملت بقيه الفلوس
ونزلت اقابلها في نفس المكان بس ما لقيتهاش هي اللي
موجوده لقيتها باعتالي واحد بورقه مكتوب فيها..
طبعا لأنها الاخيره مش هلاقي تفاعل عليها ولا ايه ؟
لقيت واحد واقف مستنيني وبيقول لي انتي آيه قلت له انت مين وعرفت اسمي منين
قالي...انا من طرف هاله وهي باعته معايا الورقه دي بس الاول اديني الفلوس وخدي الورقه
مترددتش لحظه واديته باقي الفلوس واخدت منه الورقه لقيت مكتوب فيها عنوان واسم ورقم تليفون
ما اتصلتش بالرقم وجريت على طول على العنوان مكان اول مره اروحه اول ما وصلت الشقه خبطت على الباب وانا جسمي كله بيترعش ورجلي ماكنتش شايلاني ما كنتش
مصدقه خلاص هاشوف اختي اللي عمري ما شفتها.....
يا ترى شكلها ايه شبهي ولا مش شبهي هتحس اني اختها ولا هيبقى رد فعلها ايه
خبطت على الباب وفتح لي راجل كبير في السن
_ اؤمري يا بنتي انتي عاوزه مين
= مش بيت مدام سماح اللي معاها بنت سنها 28 سنه...
_ سامح مين وبنت مين حضرتك شكلك جيتي عنوان غلط
= ازاي دا نفس العنوان اللي مكتوب في الورقه
_ يبقى اللي ادالك العنوان ادهولك غلط انا ساكن هنا بقالي 20 سنه عايش لوحدي مراتي ميته وما مليش اولاد....
نزلت تحت ومسكت تليفوني اتصلت ب هاله اتصلت كثير قوي وما كانتش بترد عليا بعد كده حطيتني على الارقام المرفوضه وتليفونها اتقفل....
رحتلها مكان شغلها وزعقت معها وشدينا فالكلام لكن طلبتلي الامن وطردتني بره.....
ما ترددتش لحظه اني اروح قسم الشرطه وابلغ عنها وهناك طلبت اقابل رئيس المباحث واتكلمت معاهوكنت منهارة وهو كان متفهم كويس الموضوع وحكيتله كل حاجه......
_ انا بس يا فندم عاوزه الاقي اختي مش عاوزه اأزي حد ولا اقطع عيش حد
_ لو هي فعلا عملت كدة لازم تاخد جزائها يا مدام آيه دي مصيبه....
طلب مني الانتظار في المكتب بتاعه لحد ما يروح يجيبها....
اتصلت بيوسف عشان يجي يحضر الموضوع من اوله هو برده الموضوع يخصه ربع ساعه ولقيت يوسف عندي الضابط دخل ومعاه هاله....
_ حقيقي اللي حصل ده يا هاله واللي استاذه ايه حكيته عنك
= استاذه ايه مين انا ما اعرفش احد بالاسم ده واول مره اشوفها
_ باقول لك ايه متستهبليش هي معاها رساله منك وتسجيل بصوتك لما قابلتك بره سجلت لك كل الكلام خليكي معاونه معانا عشان انتي ست كبيره ومش حمل بهدله.....
= خلاص يا باشا انا هحكيلكم على كل حاجه ما بقاش ينفع اخبي
انا فعلا اتفقت مع مامتها ايه اني ابدل بنتها بالولد لكن انا راجعت نفسي وكنت هارجع في كلامي في نفس اليوم اللي ولدت فيه وارجع لها الاسوره عشان ما يحصل ليش مشاكل وانا عندي اولاد لكن المعجزه حصلت وجابت ولد فعلا وانا الشيطان لعب بعقلي وقلت انا ليه ما استفدش واخد الاسوره وكأنها كانت جايبه بنت واتبدلت ولما استاذه ايه جات لي قلت اما استفاد لي بقرشين عشان الحاله صعبه اليومين دول لكن انا ما بدلتش حد وهما اخوات ولو مش مصدق حضرتك تقدر تعمل الدي ان اي وتتاكد ان هم اخوات وما فيش حاجه حصلت
= يعني انت مكفكيش ماما وهي كانت عايشه طول ال 28 سنه ضميرها مأنبها ومتعذبه وكاتمه في قلبها السر انتي لايمكن تكوني بني ادمه مكفكيش كل ده وجيتي تاخذي مني انا كمان فلوس
انتي مبتحسيش منك لله ياشيخه....
_ شيطان يابنتي هو الي غواني
= مستحيل يكون الشيطان بيفكر كده احيانا بيكون الانسان العن من الشيطان نفسه.....
_ خدها ياحضرة الصول عالحجز اما نشوف هنعمل فيها ايه....
وانتي يا استاذه ايه انا بشكرك عشان جرآتك ولو حضرتك مش متطمنه ممكن نمشي فالقضيه ونعملكم تحليل دي ان اي
= لا ياحضرة الظابط ملوش لزوم يوسف اخويا انا كان قلبي حاسس ان الكلام ده كدب انا قلبي مابيكدبش عليا...
_ تحت امرك في اي وقت....
اخدت يوسف ونزلنا تحت اول حاجه عملناها رحنا نزور ماما في المق1بر...
وقعدنا ندعيلها كتير وقولتلها....
اخدت يوسف ونزلنا تحت اول حاجه عملناها رحنا نزور ماما في المق1بر...
وقعدنا ندعيلها كتير وقولتلها....
_ انا جيتلك ياماما انا ويوسف ابنك الي عمرك ما فرقتي بينا
ياريتك ياماما كنتي حكيتيلي من زمان السر ده كنت هعيشك متطمنه واكشفلك السر الي مكنتيش تعرفيه ان هو ابنك فعلا انتي اكيد سمعاني وحاسه بيا وب يوسف ياريت تكوني مرتاحه ومتطمنه انا ويوسف ملناش غير بعض....
حضنت يوسف وخدته وروحنا عالبيت واحنا ماشيين سألني سؤاله المعتاد...
_ ها هتعميللنا اكل ايه بقي....
= انت مبتفكرش غير في بطنك...
_ منا بقالي يومين مباكلش بسببك هروح اجيب هدومي الاقيكي محضرالي افخم اكل...
= من عنيا ياحبيبي
