رواية النصيب ( يارا عبد السلام )

 

الفصل السابع عشر 
$انا هقولك هم عاوزين اي...
_فريده.
_ماما!؟

يحيي الكبير:تعرفي اي يا فريده 
_اعرف كل حاجه وحسن وسبب موته واللي كانو وراه كمان 
_ازاي يا ماما تعرفيهم منين الناس دي 
_يا ابني أهدى انا معرفهمش بس اللي حصل اني عرفت كل دا صدفه حسن اللي قالي كل حاجه قبل موته بيوم كأنه كان حاسس أنه هيموت حسن عمل كتير في حياته فكان عاوز يموت مرتاح غير أنه انقذك انت مره ويحيي مره بسبب أنه مش عاوز يخسركوا تاني بس طمعه من الاول اللي دخله مع الناس دي علشان الفلوس كل دا ..

نادين مش لوحدها وراها ناس تانيه وهى جايه باشاره منهم علشان كدا كان لازم اقولكوا كل اللي اعرفه علشان خاطر تاخدوا بالكوا انكوا كل لما تكبروا وتنجحوا اعداءكوا بتكتر 
حسن نفسه قالي كدا هوا اصلا اتفاجئ بيكوا وبنجاحكوا وكمان اتفاجئ أنهم حطوه معاكوا في اللعبه ميعرفوش أنه هياذي ابنه ولما عرف كدا أتراجع وند ـ،م وانقذ حياته ودفع ثمنها حياته هوا ...علشان كدا متفاجئتش لما حسن م١ت..
علشان كدا يا ابني احنا لازم نبعد ونروح بلد تانيه لانك مش قد الناس دي
_اي اللي بتقوله دا يا ماما انا لازم انجح وأثبت وجودي واكبر واحتفظ بالمستوى اللي عايشين فيه واحسن كمان انا طول عمري بشتغل مش هاجى دلوقتي واخاف انا عمري ما خفت ومش هخاف وكله مقدر ومكتوب..
يحيي الكبير:يحيي عنده حق يا فريده هوا لازم يثبت وجوده بعد سنين الشقى والتعب دي ولازم انتى تشجعيه وانتى اكتر واحده عارفه الشغل بالنسبه ليه اي ..
_ارجوكوا افهمونى انا قلبي واجعنى عليه انا ام وبخاف على عيالي وهوا اكتر واحد دا نور عيوني مش متخيله أن ممكن يحصله حاجه مش قادره أتصور أن في ناس عاوزه تحاربه علشان نجاحه ..
_احنا لسه في الاول انتى مش متخيله الباقى والايام الجايه هتبقى ازاي فريده انتى لازم تكونى اقوى من كدا ومؤمنه بالقضاء انتى عيشتي لوحدك كتير وكنتي الام والاب وربتيهم لوحدك انتى مثال للست القويه متبقيش خايفه بقى وانا عارف أن في منافسات لينا كتير وناس كتير مش عاوزانا نكبر خصوصا في المناقصه دي لانها هى اللي هتنقلنا علشان كدا احنا مستعدين لاي حاجه ولاخر نفس..
_انا اسفه بس انا مش بنام الليل بسبب خو.في عليه 
يحيي الصغير قرب منها وباس رأسها 
_انا اسف يا امى انا مش عاوزك تقلقي خالص انا قد اي حاجه وكله يهون علشان اوصل لهدفي ولا اي 
_ربنا يعينك ويقويك يا ابني ويبعد عنك كل شر..
_اللهم امين يارب..

بعد فتره كبيره من اختفاء نادين وكل المنازعات واستمرار الشغل والجهد الكبير اللي اشتغل عليه يحيي ويحيي علشان يكسبوا المناقصه...

بعد مرور حوالي شهر ..
كان يحيي بيفكر في سبب اختفاء نادين وانقطاع اي اخبار عنها وفي الوقت اللي كان بيفكر فيه دا.دخل عليه يحيي وهوا حامل الخبر السعيد..
وكان فرحان جدا وعينيه كلها انتصار..
_جايبلك احسن خبر في الدنيا
_خير
_كسبنا المناقصه واحنا اللي هنعمل المشروع الجديد وهنتنقل بشركتنا نقله تانيه انا مبسوط جدا عاللى وصلناله دا..
_الف مبروك يا يحيي دي مجهوداتك وتصميمك على النجاح دا انا فخور بيك 
_بجد انت فخور بيا
_طبعا انت ابني انا فخور بكونك معايا اصلا انت ابني اللي مخلفتوش
_بالمناسبه انت حققت حلمك اهو مش ناوي تفرحني بيك بقى قبل ماتعجز
_لا يعم انا جربت مره مش عاوز اقع تاني كفايه كدا
_هوا مش انت كنت قايلي ان عينك على واحده بس خايف تقولها 
_اه بس مينفعش اقولها خايف وكمان هى ممكن ترفضني أصلها بتحب ولادها اوووي
_واي المانع انك تتجوزها مش ممكن انت تعوضها
_بعدين نبقى نتكلم في الموضوع دا
_انت بتتوه الموضوع بس على فكره انا هفضل وراك ولازم تتجوز وانا اللي هخطبلك انت زي ابني برضو
_ههههههههه ماشي يا اخويا لما نشوف اهم حاجه عاوز اوصل لنادين واللى وراها باي وسيله لأنهم هيبداوا يطعنوا فينا بقى علشان كدا لازم ناخد بالنا
_اكيد انا هحاول اوصلها باي طريقه متقلقش
اقوم بقى اروح الكليه علشان وحشتني بقالى اسبوعين مروحتش حاسس أنهم هيطردونى
_طيب روح وخلى بالك الامتحانات قربت ولازم تذاكر الفتره الجايه 
_عيب عليك دا كلام برضو ...
_خف تفكير شويه واجهاد انت وصلت لنص الطريق يعتبر
_مش هرتاح الا لما اكمله وانت اكتر واحد فاهمني
_دي المشكله انى بقولك ارتاح وانا عارف انك مش هترتاح
_سيبها على الله
_ونعم بالله
_سلام..

يحيي نزل وراح الكليه وحضر المحاضرات اللي عليه وجاب المحاضرات اللي كانت فايتاه وبعدها راح البيت..
_متقعد معانا شويه يا ابني
_لا معلش اصل عندي شغل وعاوز اخلص اللي فايتني دا وقت تاني...
يحيي اهم حاجه عنده الشغل والدراسه دي اولوياته وعيلته وحياته التانيه ملهوش في الخروج والسهر والقاعده في الكافتيريا بعد المحاضرات وكدا اهم حاجه الشغل وبس ممكن دي الحاجه اللي يتلفت نظر الكل حواليه بس اجتهاده في دراسته وشغله وكل حاجه من الناس اللي عارفه هى عاوزه اي واي طموحها واي هدفها اللي تسأله انت عاوز اي من غير ميفكر بيقولك انا عاوز كذا وكذا لانه محدد أهدافه ودا اللي مخليه ناجح وواصل...
راح البيت 
وطلع ودخل الأوضه بتاعته وبدأ يذاكر وبعد شويه سمع صوت صريخ من برا 
خرج جري وشاف أمه واقفه وأخوه رأسه ملفوفه بشاش وأمه بتعيط وهوا اتخض وقرب عليه
_اي اللي حصل فيك دا يا فارس ومين عمل فيك كدا
فارس ساكت ومش بيتكلم 
_ماترد يا ابني مين عمل فيك كدا انطق
فارس بصله 
_مفيش حد عملى حاجه انا وقعت
يحيي حس أن في حاجه ..ومش عاوز يقولها قدام أمه 
_طيب تعالى معايا
خده معاه الأوضه
_ها قولى بقى مين عمل فيك كدا
_واحد صاحبي كان بيرخم على واحده صاحبتنا وانا دافعت عنها وهوا مسك الطوبه وضربني على دماغى وبس
_طيب انت عملتله اي
_مفيش كسرتله دراعه بس
_يراجل بس
_اه 
_برئ يلا 
_امال عاوزه يضربني وأسكتله مش بحب الظلم انا 
_اه يا اخويا بس شاطر انك ردتهاله كنت هزعل منك
_هتجيبلي العجله امتى بقى
_بعد الامتحانات يا لمض المهم تروح تكلم امك وتقنعها انك مظلوم وتخليها تمسح دموعها.دي
_حاضر
يحيي وهوا قاعد جاله اتصال من استاذ احمد 
_الو يا احمد عامل اي
_الحق يا يحيي نور اتخطفت من قدام المدرسه
_اي..

#يتبع