(بارك الله لكما وبارك عليكما وجمع بينكما في خير)
_كوثر صح!
=ايوة يست هانم اؤمرى
_استغفر الله، شيلى الالقاب يبنتى
=اقولك اى يست؟
_قوليلى يهانم على طول لسه هتقولى ست هانم!
=هه
_قولى مريم بس، وبينى وبينك مش بعرف اعمل غير اندومى ف ممكن تساعديني اعمل اكل للواد إلى فوق دا
=احمد بيه؟
_اه الواد إلى فوق دا اه
=طب وهتعملى ايه؟
_انا طول عمرى أستاذة طبيخ المطبخ دا لعبتى
=تعملى فراخ مشويه؟
_انا طول عمرى كذابه ومش بعرف اعمل حاجة
=هه، بس دى الاكلة المفضلة عند البيه
_حتى اكلاته صعبه دا عيل غتت
=مين دا الى غتت!
_ابو حميد منور والله
=هتطبخي اى!
_فراخ مشويه اه باين
=تمم هتعرفي
_المطبخ دا لعبتى يبنى
=بقي كده، تمم احبك وانتى واثقه، كوثر اطلعى نضفى اوضتى الست مريم هى إلى عليها طبيخ النهارده
_اي دا في اى انا بتقول اى يجدع!!
=مش المطبخ لعبتك!
_قصدي المطبخ اللعبه إلى كنا بنجيبه في العيد ده
=هه، يلا عشان اشوف اخترت صح ولا لا
_دا انت يزين مخترت
كنت بطبخ او بلبخ انا معرفش انا لو اعرف هقولكم والله، فضل باصللى قوم ساعديني يعسل طيب
_وبعد مسخنا الميا نحط الفراخ
=يااااه
_انبهرت؟
=جامد، انا ك احمد انبهرت
_لا داعى التصفيق دعونا نعمل في صمت
=هه، كملى كملى اما نشوف اخرتها
بعد ساعتين خلصت
_خلصت
=مريم هى محروقه؟
_جهل جهل، فوق بقي أوربا سبقتنا، اسمها مشويه فلازم تبقي كده
=طب والمكرونة معجنة باين!
_ام الجهل ام الجهل، اسمها مكرونة لازم تبقى كده
=انتى تحضري دكتوراه في أسماء الاكل وتبرري براحتك
_اى دا يعسل مش هدوق؟
=لاء
_عليا النعمة افضحك، انا بقالى اكتر من ساعتين واقفه وانت تقولى لاء لاء اى يلا دا انا من شبرا يلا
=تسلم ايدك حقيقي احلى اكل في الدنيا
_ايدا بجد كنت حاسه
مسك ايدى وباسها وهو بيضحك=تسلم ايدك
سحبت ايدى وابتسمت
_مبدأيا كده يلا عشان هنلبس عشان الجلسه ثانيا وربي ابويا مهو واكل من الاكل دا عشان هو تعبان
مسكت الس،ـكينة وقربتها من رقبته
_قصدك ان اكلى وحش
=لا يحبيبتى انا قصدي ان الاكل دا محدش هيخلصه غيري
_اه بحسب يلا عشان الجلسه
دخلت اوضتى وغيرت وهو كمان غير وطلع
_اى الحلاوة دى
=الله يسترك ويخلهوملك
ضحك وركبنا العربيه وروحنا للدكتور وقال إن الحالة بتتقدم وان شاء الله في امل ابتسمت، فرحت اوى، انا وقعت يجماعة اكذب يعنى! تكذب عليكم
_يلا هنمشي
=لا اسبقنى انت تحت وانا جايه اهو
_ماشي
